Oni su tu kraj nas, žividu svoj život, nikome je boje, nikome lošije ka ča je i drugima ali oni uvik moraju mislit na škuribandu
Rić je o ženskama i muškima koji se istospolno volidu.
Po nikin statistikama u EU jedno deset posto puka jema sklonosti prima istospolnoj privlačnosti a kod jedno pet posto je definitivna istospolna jubav. Ajmo reč da od Omiša pa do Marine i gori do Sinja živi jedno tristo ijada duša i ka se vazme deset posto to bi ka tribalo bit tridest ijad pa ka to pripolovin ispada da je ovod jedno petnajst ijada muški i ženski kojima istospolna jubav normalna stvar u životu.
Ma uvatija san se pisat o ovemu nakon ča san pročita par članaka u našin medijima. Evo van i ovod pa kad sve pročitate moremo nastavit.
http://hr.wikipedia.org/wiki/Homoseksualnost
http://dalje.com/hr-hrvatska/i-split-dobiva-gay-povorku-tolerancije--18-lipnja-split-pride/332421
http://www.index.hr/xmag/clanak/prvi-gay-muzej-otvoren-u-san-franciscu/532797.aspx
http://www.slobodnadalmacija.hr/Hrvatska/tabid/66/articleType/ArticleView/articleId/126618/Default.aspx
E sad kad smo ovo pročitali mogli bi provat vidit koliko smo tolerantni prima njima...u oveme licemjernome društvu koji je izvanka moderan, našminkan i trendy a iznutra konzervativan i primitivan nije lako uspostavit kakvu taku ravnotežu i poslat poruku da su svi oni dobro došli i da su ravnopravni građeni Lipe Naše...
Ne želin da me se krivo razumi ma nisu svi u Domovini primitivni, ali ipak ka se vidi u kojoj situaciji je naše društvo...nezaposlenost, krediti do grla, borba za život...morete li samo zamislit kako je judima istospolne privlačnosti i njima je život težak a tek ta anonimnost života...ma virujen da in ni laka...
Zakoni RH su vrlo solidni ča se tiče zaštite prava judi istospolne privlačnosti...ma to isto tako važi i za heteroseksalni dil puka...zakoni su skrojeni a kako se sprovode to je druga priča...zato nebi bilo na odmet da se solidariziramo sa judima drugovačiji pogleda na život, uostalome i nji grije jedno sunce i njima bura lomi kosti...ali oni moraju bižat u škuribandu, dokle i zašto. A ko nama, evo pišen ovu rič sa izvinjenjem,...normalnima... daje za prav da te jude šikaniramo i ne pružamo ruku baren minimalnega zajedničkega života.
uvik viran dalmaciji